Жарыққа шықпай қалған Chevrolet Niva

Италиялық Bertone ательесі жабылардан бұрын Chevrolet Niva-ны түрлендіру жобасын жасаған. «Автопоток» телеграм-арнасы хабарлағандай, мұндай «Ниваның» макеті банкротқа ұшыраған компанияның өзге архивімен бірге аукционға шыққан. Макет суретінен шеберлер жол талғамайтын көліктің сырт пішінін толықтай өзгертуді жоспарлағанын байқауға болады.

Bertone ательесі GM-АВТОВАЗ бірлескен кәсіпорнының тапсырысы бойынша рестайлингтен өткен Chevrolet Niva-ны әрлеуге кіріскен. Дизайнерлер жол талғамайтын көліктің сырт пішінін толық жаңартуды ұсынды. Ателье Niva-ның сұлбасын өзгертпей, барлық шанақ панелін жаңалауды жоспарлаған.

1 / 4

Такой могла стать Chevrolet Niva. Архивные фото

1 / 4

Фотодан басқа бампер мен радиатор торын және өзгерген жарық техникасы мен бесінші есікті көруге болады. Chevrolet Niva пластик бастырығынан айырылып, тегіс бортымен ерекшеленеді. Соның арқасында модельдің экстерьері америкалық брендтің сол кездегі стиліне сай келеді.

Дереккөз бұл жоба тым күрделі болғандықтан қабылданбай қалғанын хабарлады. Мұндай машинаны конвейерге қою көп шығынды талап етеді, сол үшін бірлескен кәсіпорын оны аздап жаңартты. Ал Bertone толық өлшемді макет құрастырған, аукционға сол макет шығып отыр. Архив Италия билігінің бастамасымен 2021 жылы саудаға түсті. Ол фотосурет, слайд, брошюра, сызба, құжаттар және бірнеше модельді қамтиды.

1 / 9

Chevrolet Niva

1 / 9

Chevrolet Niva макеті небәрі 650 еуроға сатылды деген ақпарат бар. Бірақ тағы бір мәлімет бойынша Bertone архиві бір массив ретінде бірге саудаланған.

Италиядағы мамандар жасаған екінші жоба әлдеқайда танымал болды. Ателье Blue Engineering фирмасымен бірге жасалған концептіні 2014 жылы көрсетті, бірақ кейін қатардан шығарды. АВТОВАЗ қазір өз күшіне сүйеніп, атауы Lada Niva Travel деп өзгерген жол талғамайтын көлікті рестайлингтен өткізуге дайындалып жатыр.

Комментариев: 0