Атақты жиһангез әрі электромобильді ерекше жақсы көретін Крис Рэмси Солтүстік полюстен оңтүстікке экспедицияға шығады. Климат айырмашылығы —30 ⁰C-тан +30 ⁰C-қа дейін, қашықтығы 27 мың шақырым болатын алыс сапарда Nissan электрокроссовері сыналады.
Полюстен полюске сапар 2023 жылы басталады. Арктикадан жолға шығып, екі Америка аумағын басып өтіп, Антарктидаға жетеді. Негізгі көлік Nissan Ariya e-40RCE болады. Машина шанақ қорғанысы, жақсартылған аспа, жолсызбен жүруге арналған дөңгелек және т. б. заттармен жабдықталған. Сонымен қатар электромобильдің стандарт нұсқасы да дублер ретінде қатысады.
Экспедицияға шығатын Ariya-ның техникалық жағы жайлы мәлімет жоқ (көлік әлі жасалмаған, қазірше эскизі ғана бар). Бірақ көлікте сыйымдылығы 90 кВт/сағ болатын батарея және 389 ат күші мен 600 Нм беретін екі электромотор болады деген болжам бар. Әрине батареялы көлікке арналған инфрақұрылым мүлде жоқ жерде машинаны қуаттаудың амалын табу қажет.
Крис Рэмси 10 жылдан бері электромобильмен алыс жерлерге саяхаттап жүр. 2017 жылы Крис жұбайы Джулиямен бірге Mongol Rally жарысын электромобильмен жүріп өткен алғашқы команда атанды. Дайындалған Nissan Leaf көлігімен 16 шақырым болатын Моңғолия даласын 56 күнде басып өткен.
Комментариев: 0