Жапонияда салоны кең Toyota 12 000 $ тұрады

2002 жылы конвейерге тұрған Toyota Probox 12 жыл өткен соң жаңарды, бірақ бұрынғы шанақ құрылымын сақтап қалды. Нарықта өз орнын тапқан 4.2 метрлік бес есікті көлік седаннан жасалған универсалдан гөрі минивэнге ұқсайды.

1 / 11

• 
• 
• 
• 
• 
• 
• 
• 
• 
• 
• 

1 / 11

Corolla Axio шассиіне негізделген Probox 107 ат күші бар 1.5 литрлік бензинді төрт цилиндрлі қозғалтқышпен және вариатормен жабдықталған. Гибрид (моторы өзгермейді) және толық жетекті түрленімін таңдауға болады. Алдыңғы аспасында Макферсон, артында серіппелі төрт иінтірек тұр.

2026 жылғы модель мультимедиа экраны болмаса да, оның кейбір функциясын атқаратын 4.2 дюймдік аспаптар панелін және жаңа Corolla-ның мультирөлін алды. Автоматты күңгірттелетін артқы көрініс айнасы мен камера бар.

Жапония заңнамасы бойынша міндетті түрде орнатылатын Toyota Safety Sense қауіпсіздік жүйесіне Proactive Driving Assist функциясы кіреді, ол жүргізушіге рөл мен тежеуішті басқаруға және машинаны тұраққа қоюға көмектеседі.

1 / 7

• 
• 
• 
• 
• 
• 
• 

1 / 7

Toyota Probox-тың басты артықшылығы — бағасы, автомобиль небәрі 1 918 400–2 261 600 иен (6.33–7.46 млн теңге) тұрады. Модель өз сегментінен бөлек, ішкі нарықтағы жаңа машиналар арасында ең арзаны.