«Дастердің» судай жаңа нұсқасы В0 платформасында жасалған кейінгі көліктердегідей анағұрлым әдемі, ыңғайлы рөлге ие болды. Қымбат орындалған нұсқалары былғары орам мен круиз-бақылауды және жылдамдық шектегішті басқаратын батырмаларды иелене алады. ESP жүйесі бар автокөліктерде шинадағы қысымнан хабар беретін датчиктер болса, әйнек жылытқыш орталық консольде орналасқан жаңа батырманы иемденді.
Жаңа RadioConnect дыбыс реттейтін бұрағышпен және екі USB-портпен жабдықталған. Радио R&GO қосымшасының көмегімен де басқарылады. Аталған қосымша бактағы отынның деңгейі, жүріп өткен жол, көлік жүргізу стилінің сараптамасы сынды алуан түрлі ақпарат береді. Ал көлік аяқ астынан бұзылып қалған жағдайда, клиент бірден Renault компаниясының қолдау қызметімен байланыса алады.
Жаңарған Renault Duster-де опция ретінде Apple CarPlay және Android Auto форматтарында жұмыс істейтін және телефонды бекітетін орны бар MediaNav 4.0 құрылғысы қолжетімді болады.
Көлік жинақтарының да атауы өзгеріпті. Бұрынғы Autentique/Expression/Privilege/Luxe Privilege орнына енді Access/Life/Drive/Drive Plus жинақтары ұсынылады. Life нұсқасынан бастап жолаушыға арналған қауіпсіздік жастығы, қара түсті бүйірлік тіреулер мен борткомпьютер пайда болады. 16 дюймдік жеңіл балқытылған шиналар Drive-тың екі нұсқасы үшін де қолжетімді, Life үшін қосымша ақы төлеуді талап етеді, ал Access үшін олар тіпті де қарастырылмаған.
Жаңартылған Renault Duster көліктерінің бағасы сатылым басталысымен, яғни көктемде жария болады.
Комментариев: 0