Первые фото обновлённого Nissan Patrol

Жаңартылған Nissan Patrol-дың алғашқы суреттері

Жол талғамайтын көліктің рестайлингтен кейінгі түсірілген суреттері желіде жарияланды.

Алдын ала ақпарат бойынша Nissan осы күзде жап-жаңа Patrol-ды көпшілікке таныстырмақ ниетте. Бірақ марка оның ресми тизерін жариялауға асығар емес. Десе де камуфляжсыз жүрген көлік Дубайда көзге түсті.

Темір тұлпардың суреттері Arab GT порталында жарияланды. Сурет сапасы керемет деп айта алмаймыз, десе де «Патролдың» қалай өзгеретінін аңғаруға болады. Жол талғамайтын көлік жаңа бамперлерге, радиатор торына, артқы шамдарға, жүксалғыш есігі мен басқа алдыңғы шамдарға ие болады.

Первые фото обновлённого Nissan Patrol

Техникалық жағына қатысты ақпарат жоқ, бірақ күштік құрылымдары өзгеріссіз қалады деген болжам бар. Мұнда сөз 276 аттың күшін беретін 4 литрлік V6 мен 400 арғымақтың күшіне ие 5.6 литрлік V8 жайлы болып отыр.

Жаңартылған Patrol ең алдымен Таяу Шығыс елдеріне сатылады, одан кейін көлік Австралия, АҚШ нарығына шығады, ал ЕЭО елдері мен Қазақстанға жеткізілмейді. Себебі Patrol-дың біздің елдегі сатылымы бірнеше жыл бұрын тоқтаған.