Жыл басында Toyota Hilux пен Fortuner-дің жаңарған нұсқаларын көрсеткен еді. Бірнеше ай өткен соң олар ASEAN NCAP сынағынан өтті.
Сынақ барысында машина 64 км/сағ жылдамдықпен бетпе-бет және қозғалып келе жатқан тіркемеге бүйірімен соғылды, одан бөлек қауіпсіздік жүйелеріне тест жасалды.
Краш-тест нәтижесінде Таиланд нарығына арналған пикап 83.42 балл жинады, бұл бес жұлдызға сай. Екі соқтығыста да салондағы манекендерге орнатылған сезгектер жасыл аймақта қалған. Тек жүргізушінің аяғы жарақаттануы мүмкін.
Сарапшылар Fortuner-ді соққан жоқ, себебі қос көлік құрылымы мен сипаты жағынан өте жақын.
Fortuner мен Hilux-тің ЕЭО нарығына келгенін айта кеткен жөн. Ресейде екі модель де сатылып жатыр, Ал Қазақстанға тек пикап жетті. Механикалы көліктің бағасы 17.4 млн теңге, ал үздік нұсқасы үшін 20.2 млн теңге төлеуге тура келеді.
Комментариев: 0