Жаңарған Taycan ең қуатты сериялы Porsche атанды

Porsche 2019 жылдан бері шығатын Taycan электромобилін жаңартты. Модельдің негізінен техникалық жағы, атап айтқанда күштік құрылымы өзгерді.

Обновлённый Taycan стал самым мощным серийным Porsche

Taycan жаңа электромотормен жабдықталған. Базалық түрленімнің қуатына — 82 ат күші, ал үздік Taycan Turbo S нұсқасына 190 ат күші қосылды. Оның күштік құрылымы ең көп болғанда 952 күшке ие болады. Бірақ бір ерекшелік бар. 952 арғымақтың күші белгілі бір жағдайда ғана, мысалы, лаунч-басқару жүйесін пайдаланып орнынан қозғалған кезде немесе Sport Chrono пакеті бар автомобильде Push-2-Pass функциясын іске қосқанда қолжетімді болады.

1 / 9

Porsche Taycan

1 / 9

Қозғалтқыш қуаты артқандықтан, жүзге дейін жылдамдықты қарапайым Taycan — 4.8 секундта, Turbo S 2.4 секундта еңсеретін болды, бұл рестайлингке дейінгі көрсеткіштен 0.6 және 0.4 секунд жылдам.

Performance Battery Plus аккумуляторының сыйымдылығы 93-тен 105 кВт/сағ-қа артты. Бұған қарағанда шағын батареяның сыймдылығы 89 киловатт болады. Жылдам қуаттау бекетінде Taycan-ды 10-нан 80 пайызға дейін қуаттауға енді 37 емес, 18 минут қана жұмсайсыз. Машинаның WLTP цикліндегі жүріс қоры 175 шақырым артып, 678 км-ге жетті.

1 / 13

Porsche Taycan Turbo Cross Turismo

1 / 13

Жаңарған Taycan-ды басқаша жарық техникасы және сәл өзгерген бампер мен қанатынан тануға болады. Артқы жағында жарық шашатын үш өлшемді Porsche жазуы назар аудартады. Салон басқаша қапталған, сондай-ақ цифрлы аспаптар панелінің жаңа интерфейсі, медиажүйе экраны, климат-бақылау жүйесінің дисплейі бар. Бейімді пневматикалық аспа енді барлық комплектацияда болады, ал Porsche Active Ride жүйесін опция ретінде ұсынады.

АҚШ-та жаңарған Porsche Taycan 7–14.7 мың доллар қымбаттады. Автомобиль биыл жазда саудаға шығады.

Комментариев: 0