Жаңарған Porsche Taycan-ның үш қосымша нұсқасы шықты

Компанияның Taycan топтамасы үш жаңа модификациямен толығады. Оған базалық моделі толық жетекті Taycan 4 седаны және екі шанақ түрі бар Taycan GTS моделі кірді. Бренд жаңа өнімдерге тапсырыс қабылдай басталды, ал электрокарлар дилерлерге 2025 жылдың басында жетеді.

Бұған дейін бренд ең арзан толық жетекті Porsche Taycan-ды тек Cross Turismo универсалы ретінде ұсынатын. Енді топтама кеңейіп, толық жетекті Taycan 4 седаны қосылады. Моторларының қуаты батареясына байланысты 408 немесе 435 ат күшіне тең, ал жүріс қоры 559-643 шақырымға жетеді. Porsche-нің есептеуінше бұл бір моторлы модельге қарағанда 35 шақырымға аз.

Taycan 4 артқы жетекті модельден 80 кг ауыр, бірақ алғашқы жүздікті (4.6 секундта) 0.2 секунд жылдам еңсереді. Қозғалған кезде электр энергиясын үнемдеу үшін алдыңғы мотор жұмыс істемейді.

Белсенді жүргізгенді ұнататындарға арналған Taycan GTS-тің қуаты артты. Оның қозғалтқыштары push-to-pass функциясын қосқанда 700 ат күшін береді, бұл бұрынғыдан шамамен жүз ат күшіне көп. Онымен көлік алғашқы жүздікті 3.3 секундта еңсере алады (бұрынғыдан 0.4 секундқа жылдам). Мұндай Taycan 200 км/сағ жылдамдыққа 10.4 секундта жетеді. Жүріс қоры шамамен 120 км өсті. Taycan GTS қайта қуаттаусыз 628 шақырым жүріп өтеді.

Драйверлік нұсқа қара декор және өзіндік дөңгелектерімен, сұсты дизайнымен ерекшеленеді, интерьерінде флагмандық Taycan Turbo GT моделінің кейбір элементі қолданылады. Стандарт комплектацияға арнайы реттегіштері бар бейімді пневматикалық аспа кіреді, ал артқы дөңгелектерді басқару мүмкіндігін қосымша ақыға орнатуға болады.

Әзірге АҚШ-тағы бағасы ғана белгілі. Мұнда Porsche Taycan 4 кем дегенде 103 300 доллар (шамамен 51 млн теңге) тұрады, ал Taycan GTS бағасы 147 900 доллардан (72.7 млн теңге) басталады.