Жаңарған Porsche 911-дің қуатты Carrera S нұсқасы шығады

Porsche 911 топтамасын жаңартуды жалғастырып жатыр. Бұл жолы базалық 911 Carrera мен Carrera GTS арасында орналасатын Carrera S түрленімін ұсынды. Жақсарған қозғалтқыштың арқасында купе 3.3 секундта жүзге дейін жылдамдық алады.

1 / 5

• 
• 
• 
• 
• 

1 / 5

Спорткар 3 литрлік оппозит қозғалтқышын сақтап қалды, бірақ мотор жаңа турбоүрлем жүйесімен толықты. Porsche технологияның бір бөлігін 911 Turbo-ның күштік құрылымынан алған. Нәтижесінде қозғалтқыш 480 ат күші мен 530 Нм береді. Қуаты рестайлингке дейінгі нұсқамен салыстырғанда 30 күшке артты, ал әдеттегі Carrera-дан S қосымшасы бар машина 86 ат күшіне қуатты.

Машина қазірше 8 сатылы робот қораппен ғана жүреді. Базалық Carrera S алғашқы жүздікті 3.5 секундта еңсереді, ал Sport Chrono пакеті бар түрленім 3.3 секундта жүзге дейін жылдамдық алады. Купемен бірге динамикасы 3.7 және 3.5 секунд болатын кабриолет жарық көреді. Екі жағдайда да көрсеткіш рестайлингке дейінгі нұсқадан 0.2 секунд жылдам болады. Жаңа өнім 200 км/сағ-қа дейінгі жылдамдықты сәйкесінше 11.6 және 12.3 секундта еңсереді.

Спорткардың алдыңғы аспасының кинематикасы мен амортизатор параметрі жаңарды. Porsche 911 Carrera S әдеттегі Carrera-да жоқ Porsche Torque Vectoring Plus жүйесімен жабдықталған әрі GTS тежеуіші болады. Базалық 911 Carrera-дағы сияқты купеге артқы орындық клиент қаласа ғана орнатылады, ал кабриолетте ол әу баста болады.

Келесі кезекте топтамаға толық жетекті 911 Carrera S қосылады, бірақ Porsche оған механика қорап орната ма, жоқ па, белгісіз.