Компания
Porsche қатаң экологиялық стандартқа бұрыннан бар қуатталатын күштік құрылымды қолданбай, техникалық шеберлікпен жауап берді. Инженерлер 911 GTS үшін мүлдем жаңа құрылым жасады, бұл спорткар электр қуатымен жүрмейді, бірақ динамика, басқару, салмақты үлестіру мен зиянды шығарындыларды азайту арасында тепе-теңдік сақтайды. Қуаты артып, 50 кг салмақ қосты.
Жаңа гибрид алдыңғы 911 GTS-тің моторына негізделген 3.6 литрлік оппозит қозғалтқышпен жүреді. Көлемі ұлғайып, екі турбина орнына электр жетекті бір турбина орнатылған. Турбокомпрессор 15 ат күші бар моторды айналдыруға көмектеседі, артық газ шығарындысын пайдаланып электр энергиясын шағын 1.9 киловаттық аккумуляторға немесе тікелей екінші қозғалтқышқа жібере алады.
Қосымша электрлі мотор 8 сатылы PDK роботына кіріккен. Бүкіл жүйе 541 ат күшін және 610 Нм момент береді, соның арқасында алғашқы жүздікті 3 секундта еңсереді, максимал жылдамдығы — 312 км/сағ. Базалық Porsche 911 GTS басқарылатын артқы дөңгелекпен және бейімді аспамен жабдықталады, қосымша ақы төлеп, толық жетек қосуға болады. Спорткарда белсенді жалюзиі бар жаңа бампер, бұрылыс сигналы кіріккен жаңа фара тұр, артқы бөлігін антиқанатпен толықтыруға болады.
Porsche базалық 911
911 интерьерінде байқала бермейтін, бірақ маңызды өзгерістер бар. Рөлдің сол жағындағы кілт салатын орын қарапайым старт түймесіне ауысты, 12.6 дюймдік цифрлы аспаптар панелі пайда болды, ал артқы орындық енді базалық комплектацияға кірмейді, жаңарған Porsche 911 екі орынды (тапсырыс берушінің өтініші бойынша артқы орындықты тегін орнатуға болады). Медиажүйесі де сәл жақсарған.
Жаңа өнім купе, кабриолет немесе тарга шанағымен шығады. 911 топтамасындағы Turbo мен GT сияқты басқа нұсқалары кейінірек жаңарады. Кейбір мәлімет бойынша рестайлинг 2026 жылға дейін созылады. Механикалық қорабы бар нұсқа да нарыққа оралуы мүмкін, бірақ ол туралы Porsche әлі нақты мәлімет бермеді.
Комментариев: 0