Жаңарған Mercedes-Benz GLS шанағының суреті желіде тарады

Жаңарған Mercedes-Benz GLS суреті бірнеше Instagram парақшада жарияланды. Компания жаңа кроссоверді сәуірде таныстырады, бірақ машина Mercedes-Benz GLE үлгісімен жаңаратыны бұған дейін белгілі болған.

Кроссовер рендері байқаусызда ресми конфигураторға шығып кетіп, оны сайт қолданушылары көріп қалған сияқты. Жаңарған GLS жаңа оптика, өзгерген бампер және үлкенірек радиатор торымен ерекшеленеді.

Жалғыз 3D суреттен GLS төрт көлденең тақтасы бар радиатор торымен жабдықталғаны көрінеді. Оның бірнеше дизайн нұсқасы болады. Мысалы, AMG Line пакеті және AMG нұсқасының радиатор торы басқаша болады.

Арт жағында қандай өзгеріс болатыны қазірше белгісіз, бірақ көп жаңалық болмайтын шығар. Егер Mercedes-Benz GLS-ті GLE сияқты жаңартса, интерьерде жаңа рөл болады және медиажүйе софты жаңарып, салонды әрлеу мүмкіндігі кеңейеді. Ақпанда жаңарған GLE-нің мотор гаммасында гибрид күштік құрылым ғана қалды, GLS-те де солай болатын шығар.

Mercedes-Benz кроссовердің үшінші буынын 2019 жылы таныстырған. Жаңарған нұсқаның тұсаукесері сәуірде өтеді, бірақ нарыққа 2024 жылғы модельдік топтама өкілі ретінде кешірек шығады.