Шілденің аяғында Kia-ның Ресейдегі кеңсесі Kia Cerato-ның ЕЭО нарығына арналған нұсқасы сертификаттаудан сәтті өткенін хабарлады, ал тамыздың басында автокөлік Калининградтағы «Автотор» зауытында конвейерге тұрды.
Cerato-ның негізінен сырты мен интерьері өзгерген. Седанға жіңішке радиатор торы, басқа бампер мен оптика орнатылды. Артқы бағытшамдары бұрынғы пішінін сақтап қалды. Салонда ең алдымен 10.25 дюймдік экраны бар мультимедиа кешені мен цифрлы панель көзге түседі.
Техникалық жағында өзгеріс жоқтың қасы. Мотор гаммасында 1.6 және 2 литрлік екі MPI бар. Алдыңғы жетекті көлік 6 сатылы механикамен және автоматпен ұсынылады. 2.0 литрлік мотор тек автомат қораппен жұмыс істейді. Сонымен қатар Kia модельдегі Drive Wise электронды көмекшілерінің тізімі кеңейетінін хабарлады.
Ресейлік автосалондарда Cerato қыркүйекте пайда болады. Қазақстанға да биыл күзде жетеді.
Комментариев: 0