Жаңарған Haval H6-ның алғашқы фотосы шықты

Haval жаңарған H6-ның алғашқы фотосын жариялады. Кроссовер әлдеқайда «ұстамды» экстерьерімен ерекшеленеді, әрі 2 литрлік турбомоторының қуаты артты. Ол 2023 жылдың үшінші тоқсанында жергілікті нарықта сатылымға шығады.

Үшінші буындағы Haval H6 фирмалық радиатор торынан айырылды. Оның орнына бітеу панель мен П-тәрізді тіреуіші бар ірі бампер орнатқан. Оптика мен капот өзгеріссіз қалыпты.

Машинаның артқы бөлігінің ресми суреті әлі шыққан жоқ, бірақ ертерек жергілікті өнеркәсіп министрлігі оны көпшілікке таратып жіберген. Haval H6-да модельге тән бампер қырындағы тік тіреуіштері, спойлер және газ шығару жүйесінің тіктөртбұрыш келтеқұбыры болады.

Көліктің дизайны өзгеріп, көлемі ұлғайды. Өлшемі — 4711×1940×1730 мм, яғни машина 58 миллиметр ұзарды. Дөңгелек базасы өзгерген жоқ (2738 мм). Кроссоверге 19 дюймге дейінгі дөңгелек дискілерін орнатып жатыр.

Компания қазірше машинаның бір ғана моторын таныстырды. Ол — 238 ат күшіне ие 2 литрлік турботөрттік, бұл Қытай нарығына арналған рестайлингке дейінгі нұсқадан 27 ат күші артық. Болашақта Haval H6-ны шағын 1.5 литрлік гибрид күштік құрылыммен жабдықтауы мүмкін. Кей мәліметтер бойынша қазіргі және жаңарған H6-ны Қытайда қатар сатады деген.

Қазақстанда модельді 1.5 және (150 а.к. ) 2.0 литрлік 204 (а.к.) қозғалтқышпен ұсынады. Екі мотор да 7 сатылы роботпен жұмыс істейді. Кроссовердің қымбат нұсқалары толық жетекпен жабдықталған. Ал бағасы 12 990 000 теңгеден басталады.