Жаңарған Exeed VX Қазақстанда қанша тұрады

Ірі Exeed VX кроссоверінің жаңарған нұсқасы Қазақстанға келді. Модельдің сырт пішініндегі басты жаңалық ретінде радиатор торындағы көлденең ламель саны үштен беске көбейгенін айтуға болады.

Ал интерьерде өзгеріс көп, дизайнерлер Mercedes-Benz-тің заманауи Hyperscreen жүйесіне еліктеп, тұтас торпедоны алып жатқан үш дисплейден тұратын үлкен экран орнатты. Ортада 15 дюймдік, ал екі шетінде 12 дюймдік екі экран тұр. Трансмиссия селекторы «мерседестегідей» рөлге ауысты. Ортаңғы консоль пердемен жабылған, астында екі сымсыз қуаттағыш және шағын заттарға арналған қалта бар.

1 / 5

• 
• 
• 
• 
• 

1 / 5

Техникалық жағында да өзгеріс бар. 249 ат күшіне ие (385 Нм) 2 литрлік турбомотор енді роботпен емес, 8 сатылы автоматпен жұмыс істейді. BorgWarner компонентін пайдаланатын толық жетек жүйесі де жаңарды.

Қазақстан нарығында Exeed VX үш комплектацияда сатылады: Premium, Flagship және Flagship+. Алғашқы екеуі 7 орынды, ал ең үздік кроссовер алты жолаушыға арналған.

Premium нұсқасы 21.5 млн теңге тұрады. Мұндай машина он қауіпсіздік жастығы мен бейімді круиз-бақылау, автоматты тежеу, жолақта ұстау және айнала шолу камерасын қамтитын электронды көмекшілер жинағымен жабдықталған. Сондай-ақ жабдықтар тізімінде панорамалы шатар, жарықдиодты оптика, кілтсіз ашу жүйесі, үш аймақты климат-бақылау, бірінші және екінші қатардағы креслоларды жылыту және желдету функциясы және т.б. бар.

23.5 млн теңге тұратын Flagship түрленімі автоматты тұраққа қою, үздік автотежеу жүйесі, Nappa былғарысымен қапталған кресло және сегіз бағытта реттелетін жүргізуші орындығымен ерекшеленеді. Ал екінші қатарда жеке креслосы бар Flagship+ с нұсқасы 26.5 млн теңге тұрады.

Жаңарған Exeed VX-тің елдегі танымалдығы арта ма, белгісіз. Биыл жарты жылда модельдің 169 экземпляры өтті, былтыр қаңтар мен желтоқсан арасында дилерлер 736 машина сатқан. 2023 жылы жалпы 1374 VX иесін тапты. Ол кезде марканың модельдік топтамасында LX жақсы өткен. VX биыл LX-тен ғана емес, TXL-ден де төмен нәтиже көрсетті.