Жаңарған Chery Tiggo 8 Plus: сипаттамасы мен бағасы

Chery Қытайда жаңарған Tiggo 8 Plus кроссоверін тікелей сата бастады, бұл модель басқа нарықта Tiggo 8 Pro Max атауымен белгілі. Алдын ала тапсырыс қабылдау басталған кездегі бағамен салыстырсақ, көлік арзандады. Chery мотор гаммасын кеңейтіп, іштен жанатын қозғалтқыш пен гибрид құрылым қосты.

Компания ең арзан Tiggo 8 Plus-қа 197 ат күшіне ие (290 Нм) қозғалтқыш пен 7 сатылы робот орнатады. Қымбатырақ модификациясы 254 ат күшін (390 Нм) беретін мотормен және 8 сатылы автоматпен жүреді.

1 / 6

• 
• 
• 
• 
• 
• 

1 / 6

Кроссовердің ең қуатты түрі 1.5 литрлік іштен жанатын қозғалтқыш пен электромотордан тұратын гибрид күштік құрылыммен (360 а.к.; 530 Нм) жабдықталады. Мұндай Tiggo 8 Plus 100 шақырымға 3.8 литр жанармай тұтынады, жүріс қоры шамамен 1.6 мың шақырымға жетеді. Толық жетек жүйесі әзірге ешқандай нұсқада жоқ.

Бензинді Chery Tiggo 8 Plus-тың бес комплектациясы болады, ал гибридте үшеу. Жабдықтар тізіміне 15.6 дюймдік планшеті бар медиажүйе, айнала шолатын камера, 12 динамик, климат-бақылау, жылыту және желдету функциясы бар орындықтар, сымсыз қуаттағыш, панорамалы шатыр және жүргізуші ассистенттерінің кең жинағы кіреді. Бес және жеті орынды көліктер де бар.

1 / 9

• 
• 
• 
• 
• 
• 
• 
• 
• 

1 / 9

Жаңарған модель радиатор торымен және V тәрізді күндізгі жүріс шамы бар екі деңгейлі жарық техникасымен ерекшеленеді. Салонында бөлек тұратын жаңа экрандар пайда болды, ортаңғы тоннель мен рөл конфигурациясы өзгерді.

Бағасы 109 900-159 900 юань (7.4-10.7 млн теңге) аралығында болады. Тамыздың аяғында алдын ала тапсырыс қабылдау басталғаннан бері алғашқы бағасы 10 мың юань түсті. Алдын ала мәлімет бойынша Tiggo 8 Plus шетел нарығына шығады, бірақ атауынан бөлек кейбір дизайн элементі де өзгереді.