Chery брендінің елдегі ресми өкілдері атауында Pro қосымшасы бар 4.3 метрлік Chery Tiggo 4 туралы мәлімет берді. Қазақстан тұрғындарына үш комплектацияда ұсынылатын кроссовердің бағасы 10.4 млн теңгеден басталады.
Алдыңғы жетекті қарапайым көлік электронды көмекшілердің базалық жинағымен, артқы көрініске арналған камера, парктроник, екі қауіпсіздік жастығы, жарық сезгіш, кілтсіз ашу жүйесі, круиз-бақылау, жылытқыштар, ауа баптағыш және 10.25 дюймдік экраны бар медиажүйемен жабдықталады.
Мұндай автомобиль вариатормен жұмыс істейтін 113 ат күшіне ие (138 Нм) 1.5 литрлік атмосфералы мотормен жүреді.
Орташа комплектацияның күштік құрылымы алдыңғысына ұқсас, онда қосымша толық жарықдиодты оптика, бүйірлік жастықтар, орындық пен рөл жылытқыш, электр көмегімен реттелетін жүргізуші орындығы, люк, экраны 7 дюйм болатын аудиожүйе бар. Бағасы — 10.9 млн теңге.
12.5 млн тұратын Luxury нұсқасы жабдықталуы жағынан ерекше деуге келмейді. Мұндай көлікте айнала шолу камералары, климат-бақылау, салондағы амбиент жарық, сымсыз қуаттау құрылғысы мен бірнеше USB-қосқыш бар. Машина 147 ат күші мен 210 Нм момент беретін 1.5 литрлік турбомотор арқылы қозғалады. Агрегат Еуро-6 стандартына сай вариатормен жұптаса жұмыс істейді.
Комментариев: 0