Жаңарған Changan Uni-V Қазақстан нарығына шыға ма?

Changan 2025 жылы маусымда жаңарған Uni-V лифтбэгінің алғашқы суретін көрсетті. Машинаның сырт пішіні сәл өзгеріп, салоны толық жаңарған. Шілдеде жаңа өнім Қытайда саудаға түсті, енді Қазақстан нарығына шығуға дайындалып жатқан сияқты. Қазір біздің елде сатылып жатқан автомобильді Алматыдағы AMMKZ зауыты құрастырады.

1 / 4

• 
• 
• 
• 

1 / 4

Брендтің Қазақстандағы ресми өкілдігі жаңа Uni-V туралы ақпарат берген жоқ. Бірақ жергілікті реестрде модельге арналған құжаттың жаңарған нұсқасы пайда болды. Одан марка бірнеше жаңа түрленім жасағаны, көліктің ұзындығы (4740 мм) өзгергені байқалады. 1.5 литрлік мотордың қасына 235 ат күшіне ие 2 литрлік турбомотор (JL484ZQ1) қосылған. Мұндай агрегат 7 сатылы DCT роботпен емес, 8 сатылы Aisin автоматымен жұмыс істейді.

Қытайда жаңа буын моделі саналатын машина сырттай алдыңғы бөлігіндегі өзгерістермен ерекшеленеді, жасырын есік тұтқасын дәстүрлі тұтқа алмастырған.

1 / 5

• 
• 
• 
• 
• 

1 / 5

Бұрын лифтбэк салонынының әр жерінде орналасқан қырлы дисплейлер тұратын, қазір интерьер Қытай автомобильдеріне сай стильде жасалған, яғни шағын цифрлық аспаптар панелі мен 14.6 дюймдік медиакешен ғана көзге түседі. Дизайнерлер жалпақ рөлден бас тартып, дәстүрлі пішінді рөлді қайтарды.

Жаңа Uni-V қашан саудаға шығатыны қазірше белгісіз.

Қазақстандағы автосалондарда сатылып жатқан Changan модельдері жайлы толық ақпаратты Kolesa.kz-тегі «Жаңа көліктер» бөлімінен аласыз. Сайтта барлық модельдің техникалық сипаттамасы, комплектациясы және бағасы толық жазылған.