Changan Uni-V жаңарды

Компания жаңарған Uni-V-дің алғашқы ресми суреттерін жариялады. Жергілікті баспасөз бренд оны модельдің үшінші буыны ретінде ұсынады дейді, бірақ құрылымы сол күйінде қалды. Соған қарамастан экстерьері сәл өзгеріп, салоны толығымен жаңарды.

Алдыңғы бөлігінде фирмалық жақтаусыз радиатор торы жоқ, бірақ жаңа бампер тұр. Радиатор торы шағын панель алды, ал бампердегі ірі әрі қырлы ауа өткізгіштер қозғалтқыш бөлімін желдетуге көмектеседі. Суреттерден автомобильдің пішіні бұрынғыдай қалғанын және есік тұтқалары басқаша екенін көруге болады.

Артында төрт газ шығару түтігіне ұқсайтын диффузор пайда болды. Uni-V шанағы ендірмелермен әрленген. Бұлар ең қуатты модификацияда ғана болуы мүмкін.

1 / 4

• 
• 
• 
• 

1 / 4

Бұрын лифтбэктің салонында дисплейлер әр жерде орналасса, енді интерьері Қытайда шығатын көліктерге сай жасалған. Көлденең панельде екі тікбұрышты дисплей бар. Ортаңғы тоннель де классикалық пішін алған. Рөл мен селектор өзгерген, бірақ беріліс қорабының тұтқасы рөл жаққа ауыспады. Changan физикалық батырмалардан бас тартпай, климат басқару пультін қалдырған, рөлге Super Race деген жазуы бар үлкен батырма жайғасты.

Компания лифтбэктің техникалық сипаттамасын жария еткен жоқ, десе де сертификат алу барысында кейбір мәлімет белгілі болды. Машина 192 және 245 ат күшін беретін 1.5 және 2 литрлік қозғалтқышпен жабдықталады. Біріншісі 7 сатылы роботпен, екіншісі 8 сатылы автоматпен жұптаса жұмыс істейді. Ең жоғары жылдамдығы — 205 және 215 км/сағ.