Жаңа Xpeng P7-нің салоны озық технологияға толы болады

Xpeng бірнеше ай бұрын жаңа буындағы P7 седанының алғашқы суретін жариялаған, интерьерін енді көрсетті. Модель әйнекке түсетін ең үлкен проекция және «ақылды» алдыңғы кресло сияқты озық технологиялармен жабдықталады. Электрокарды бренд екі күштік құрылыммен ұсынады, клиенттер осы аптада тапсырыс бере алады.

Xpeng P7-нің салон архитектурасы Қытайдағы батареялы көліктердікі сияқты. Ықшам алдыңғы бөлігі бірде-бір батырмасы жоқ ортаңғы тоннельмен және ірі ортаңғы экранмен үйлесіп тұр. Мамандар ерекше элемент қосуды да ұмытпапты. Мәселен, машинаға қырлы рөл, кіріккен бас тірегіші бар кресло орнатқан. Орындықтар автоматты түрде 10 миллисекундта 30 мм диапазонда қалпын өзгертеді.

1 / 7

• 
• 
• 
• 
• 
• 
• 

1 / 7

Ортаңғы дисплей де бұрылады. Шағын ортаңғы панельге тек негізгі көрсеткіштер шығады, қосымша ақпараттың бәрін 87 дюймдік проекция көрсетеді. Толыққан шынайылық функциясы мен бейнеойын ойнау мүмкіндігі бар. Бренд «цифрлы кокпитке» озық интерфейс орнатуға уәде еткенмен, нақты мәлімет бермеді.

Модельдің өлшемдері — 5017×1970×1427 мм, дөңгелек базасы — 3008 мм. Mercedes-Benz S-класпен салыстырсақ, қытай өнімі одан 150 мм қысқа, ені 100 мм кіші. Ең арзан түрленімі артқы осьте тұратын 367 ат күшіне ие электромотормен жүреді, бірақ толық жетекті нұсқасы да болады. Алдындағы қосымша қозғалтқыш көмегімен күштік құрылымның қуаты 594 ат күшіне дейін артады.

1 / 5

• 
• 
• 
• 
• 

1 / 5

Базалық электрокар 74.9 кВт батарея алады, соның арқасында жүріс қоры 720 км-ге жетеді. 92.2 киловаттық аккумулятор 820 шақырымды еркін еңсеруге жағдай жасайды. Әлдеқайда сыйымды батареясы бар екі моторлы автомобиль 750 км жүреді. 800 вольттық архитектура 12-15 минутта қуаттауға мүмкіндік береді.

Xpeng P7-нің негізгі бәсекелестері Tesla Model 3 пен Xiaomi SU7.