Жаңа Toyota Camry: расымен 80 бе?

Toyota жаңа тоғызыншы буын Camry-ді АҚШ-та көрсетті. Әйтсе де, көліктен айтарлықтай көп өзгеріс байқалмайды. Алдынан Crown және Prius стилінде жасалған болса, артқы жағын басқаша безендірген. Ортасы XV70 моделімен бірдей.

1 / 7

Новая Toyota Camry: «восьмидесятка» или как?

1 / 7

Салонның өзгеріске ұшырағаны айдай анық. Алдыңғы панель мен консольдің құрылымы мүлдем басқаша. Нұсқасына байланысты жаңа Camry 7 немесе 12.3 дюйм цифрлы аспаптар панелімен және 8 немесе 12.3 дюйм мультимедиа кешенімен жабдықталды. XSE және XLE сияқты Солтүстік Америка нарығына арналған үздік түрленімде 10 дюйм проекциялық экран бар. Стандарт жиынтыққа Apple CarPlay және Android Auto, JBL аудиожүйесі, смартфонды сымсыз қуаттағыш, бірнеше USB-C және USB-A жалғағышы кіреді. Опция түрінде орындықты жылыту, желдету және Toyota Safety Sense 3.0 электронды көмекшілер жиынтығы қолжетімді.

Компания бұрынғыдан сапалы және қолға жағымды әрлеу материалдарын ұсынады.

1 / 3

Техникалық жағына келер болсақ, аспасы қайта өңделді және басқа күштік құрылымға ие болды, бірақ «жетпісінші» модельдің TNGA-K платформасын сақтап қалды.

Жаңа Camry-дің моторы

Camry топтамасында енді V6 моторы жоқ. Алдыңғы жетекті көліктің мотор бөлігінде төрт цилиндрлі 2.5 литр моторға көмекші ретінде шағын литий-ионды батареядан қуат алатын екі электрлі мотор орнатылған, ал тартым күші вариатор арқылы дөңгелекке беріледі. Седанның нақты қуаты хабарланбады, дегенмен шамамен 228 ат күшін құрауы мүмкін. Алдыңғы жетекті Camry-мен қатар қосымша электрлі моторы бар және қуаты көбірек (235 а.к.) қозғалтқыш орнатқан толық жетекті нұсқасы да сатылады.

АҚШ-та Toyota Camry 2024 жылдың көктемінде сатыла бастайды. Оған дейін компания автомобиль туралы көбірек ақпарат бөлісетінін айтты. Седанның тағы бір түрін Гуанчжоудағы автосалонда көп кешікпей көрсететінін айтып өту керек. Қытайлық Camry Қазақстанға келетін нұсқасына ұқсауы әбден мүмкін.

Жаңа Camry-дің моторы

Комментариев: 0