Жаңа Toyota Camry қауіпсіз бе?

Былтыр қарашада жарық көрген тоғызыншы буындағы Toyota Camry екі елде қауіпсіздік сынағынан өтті. АҚШ-тың Жол қауіпсіздігі институты мен Қытайдың C-NCAP инженерлері краш-тест жүргізді.

Қытайда өткен сынақ нәтижесі Қазақстан үшін маңызды, өйткені Қытайға арналған седан біздің елге сұр импорт арқылы келіп жатыр. C-NCAP 2 литрлік мотормен жүретін машинаға ең жоғары бес жұлдызды баға берді. Модель жүргізуші мен жолаушыны қорғау бойынша ең жоғары бағаның — 89.21 %-ын, жаяу жүргінші қауіпсіздігі бойынша — 80.46 %-ын, қауіпсіздік жүйесінің жұмысы бойынша 93.02 %-ын алды. Қорытынды баға — 88.9 %.

Инженерлер алдыңғы әйнектің тірегі мен оның төменгі бөлігі жаяу жүргінші үшін әлі қауіпті екенін айтты. Седанның шамынан да мін тапты. Camry-дің жарық техникасы ең жоғары 10 балдың 6.9-ын ғана жинады.

1 / 6

• 
• 
• 
• 
• 
• 

1 / 6

Ал АҚШ нарығына арналған түрленім IIHS-тің Top Safety Pick+ деп аталатын ең жоғары бағасына ие болды. Автомобиль алдыңғы және бүйірлік соққыға жақсы төтеп берді, жаңарған сынақта да тамаша нәтиже көрсетті. IIHS қазір автомобильді үлкен кроссовер немесе жол талғамайтын көлікті сипаттайтын ауыр арбамен соғады, сондай-ақ бетпе-бет соғылғанда толық және жартылай соққы орнына соңғысының екі нұсқасын пайдаланады.

Инженерлер седанның электронды көмекшілеріне жақсы баға бергенмен, жарық техникасынан кемшілік тапты. Мамандар Camry-дің шамы тіке жүргенде және оңға бұрылғанда жақсы жұмыс істейтінін, бірақ солға бұрынғанда жолға жарық дұрыс түспейтінін айтты. Модельдің оптикасы бұрылысқа бейімделмейді.

QAZ Kolesa.kz ұжымы YouTube арнасында толық жетекті Toyota Camry 80 моделіне тамызда шолу жасаған.