Жаңа Subaru Forester Еуропада гибрид ретінде шығады

Subaru былтыр күзде Forester кроссоверінің алтыншы буынын таныстырды, бірақ осы уақытқа дейін оның бензинді нұсқасы АҚШ-та ғана қолжетімді болған. Қазір бұл көлік Еуропа нарығына шықты және модель жұмсақ гибрид күштік құрылымымен жүреді. Компания бұл Forester-ді толықтай жаңа дейді, бірақ мамандар бесінші буындағы кроссовердің қозғалтқышын орнатқан сияқты.

1 / 7

• 
• 
• 
• 
• 
• 
• 

1 / 7

Бензоэлектрлі Forester-дің күштік құрылымы атмосфералы оппозитті мотордан және вариаторға орнатылған шағын электромотордан тұрады. Екі литрлік іштен жанатын қозғалтқыш 136 ат күшін (182 Нм) береді, ал электрлі агрегат 17 ат күші мен 66 Нм момент қосады. Қозғалтқыш 0.6 кВт⋅сағ батареядан қуат алады. Толық жетек жүйесі мен X-Mode функциялары стандарт комлектацияға кіреді.

Мұндай Forester алғашқы жүздікті 12.2 секундта еңсереді, бұл алдыңғы гибридтен жарты секундқа баяу. Максимал жылдамдығы — 188 км/сағ.

Еуропадағы клиенттерді бұл кроссовер 220 миллиметр клиренсімен (өз класында үздік деп танылған), жақсарған платформасымен және қосымша қауіпсіздік функцияларымен қызықтыруы керек. EyeSight жүйесіне көру бұрышы кең жаңа камера мен жақсарған радар қосылып, мүмкіндіктері артты. Кроссовердің стандарт комплектациясы тоғыз қауіпсіздік жастығымен жабдықталады. Жаңа Subaru Forester-дің саудасы Еуропада 2024 жылдың аяғына дейін басталады.