Жаңа Subaru Forester туралы толық ақпарат шықты

Subaru Forester кроссоверінің алтыншы буынын ресми таныстырды. Жаңа өнімнің фотосы тұсаукесерден бірнеше күн бұрын желіде тараған. Forester-дің сырт пішінін қазіргі Toyota RAV4-ке, алдыңғы буын Ford Explorer-ге ұқсатып жүргендер бар. Соңғысына жаңа өнімнің алдыңғы бөлігі ұқсайды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Forester марканың барлық моделіне арналған SGP платформасына негізделген, бірақ шанағы сәл өзгерді. Сондай-ақ модельге WRX-тің электрлі рөл күшейткіші орнатылды.

Капот астында тосынсый жоқ. Автомобиль бұрыннан бар 2.5 литрлік мотормен жүреді. Буын алмасқан соң агрегат қуаты артқан жоқ, керісінше азайып кетті. Бұрын 185 күш болса, қазір 183 ат күшіне ие, есесіне айналу моменті 239-дан 241 Нм-ге атты. Агрегат вариатор және толық жетекті жүйемен жұмыс істейді.

Марка жақында Forester-ге жаңа күштік құрылым орнатады. Компания кроссовердің гибрид болатынын растады, бірақ ол жайлы толық апарат берген жоқ.

1 / 9

• 
• 
• 
• 
• 
• 
• 
• 
• 

1 / 9

Subaru Forester салонында жаңалық көп. Бұған дейін Outback, Impreza және WRX-ке қойылған 11.6 дюймдік үлкен тік дисплей назар аудартады. Медиакешен Apple CarPlay және Android Auto-мен жұмыс істейді. Қарапайым машинада тачскрин 7 дюймді болады. Ортасында борттық компьютердің шағын экраны бар аналогты аспаптар панелі өзгеріссіз қалды.

Компания машинада жоғары сапалы әрлеу материалы мен үлкен жүксалғыш болатынын айтты. Оның көлемі екінші қатардағы орындықтар барда — 838 литр, ал бүктегенде 2107 литр болады. Бесінші буындағы «Форестерде» ол сәйкесінше 505 және 1775 литр болған.

Сондай-ақ машина EyeSight электронды көмекшілер кешенімен жабдықталған.

Subaru Forester-дің алтыншы буыны АҚШ-та 2024 жылы көктемде саудаға шығады.