Оңтүстік Кореяда Seoul Mobility Show басталды. Шара аясында Hyundai бірнеше күн бұрын алғашқы суретін көрсеткен жаңа Sonata-ны таныстырады деген болжам бар. Бірақ автоөндіруші қазірше көп нәрсені құпия ұстап отыр.
Hyundai модельдің опциялары мен техникасына қатысты азырақ мәлімет берді. Алдыңғы панельде 12.3 дюймдік екі экран болады. Қымбат түрленімі 12 динамигі бар Bose аудиожүйесімен жабдықталады. Заманауи технологияға әуес жандар телефон немесе смарт сағат арқылы автомобильді ашуға мүмкіндік беретін цифрлы кілт пайдалана алады. Сондай-ақ инженерлер Sonata-ға қосымша қауіпсіздік үшін саусақ ізін танитын сканер орнатқан.
Электронды көмекшілер тізіміне автоматты тежеу және көрінбейтін аймақты бақылау жүйесі, Stop & Go функциясы бар бейімді круиз-бақылау кіреді.
Hyundai машинаның күштік құрылымы жайлы ақпарат берген жоқ. Қазірше мотор гаммасында 2.5 литрлік турбомотор (N-Line нұсқасына арналған), 2.5 литрлік атмосфералы мотор (қарапайым седанға) және 2 литрлік агрегатқа негізделген гибрид (Sonata HEV-ге) бар екені ғана белгілі.
Комментариев: 0