Жергілікті көлік құралының типін мақұлдау базасында Škoda Kodiaq кроссоверінің жаңа құжаттары пайда болды, бұл былтыр қазанда жарық көрген модельдің екінші буыны сертификат алғанын білдіреді. Алдыңғы Kodiaq сияқты жаңа модель биыл сәуірде Қазақстанға қайта оралғаннан кейін Қостанайдағы зауытта ірі торапты әдісіпен жасалады.
Құжаттағы деректерге сүйенсек, ел тұрғындары 190 ат күші (320 Нм) бар 2 литрлік турбоқозғалтқышпен және 7 сатылы DSG роботымен жабдықталған толық жетекті Kodiaq ала алады.
Бренд өкілдері екінші буын Kodiaq-тың ресми дебюті туралы әлі хабарламады, яғни комплектациясына қатысты ақпарат әзірге жоқ. Дегенмен құжаттағы жабдықтар тізімі ауқымды, онда әртүрлі көмекші электроника, артқы дифференциалды электронды бұғаттағыш, проекция, жылыту, желдету жүйелері мен алдыңғы орындықтардағы массаж функциясы бар.
Жаңа Kodiaq-тың сырт келбеті ғана емес, өлшемдері де өзгерді. Кроссовердің дөңгелек базасы бұрынғыдай (2971 мм), бірақ ұзындығы 61 мм (4758 мм) артты. Ені 18 мм (1864 мм), биіктігі 17 мм (1659 мм) қысқарды. Жеті орынды нұсқаның жүксалғыш көлемі — 340 литр, үшінші қатардағы орындықтары жатқызғанда 845 литрге жетеді, ал барлық орындықты бүктегенде 2035 литрді құрайды. Бес орынды нұсқада 910/2105 литр.
Қазір Kodiaq-тың бағасы 17.5 млн теңгеден басталып, 20 млн теңгеге дейін жетеді. Жаңа өнім одан қымбат болуы мүмкін.
Комментариев: 0