Жаңа Porsche Panamera-ның техникалық сипаттамасы белгілі болды

Porsche компаниясы жаңа буындағы Panamera-ның серия алды прототипін Еуропаның БАҚ өкілдеріне көрсетті. Autocar және Car&Driver басылымы лифтбектің мотор гаммасы туралы алдын ала мәлімет жариялаған. Болжам бойынша Panamera дәстүрлі қозғалтқышын сақтайды, бірақ қуаты 760 ат күшіне дейінгі бірнеше гибрид нұсқасы шығады.

Porsche Panamera бұрынғы платформасында қалады, бірақ құрылымындағы өзерістер мен жаңа материалдар есебінен шассиі қаттырақ болады.

Автомобильдің базалық нұсқасы бұрынғыдай 8 диапазонды қораппен жұптасқан 2.9 литрлік V6-мен жүреді. Мамандар екі агрегатты да жетілдірген. Мотор қуаты 350 ат күшінен жоғары болғандықтан, алғашқы жүздікті алатын уақыты 5 секундқа дейін қысқарады. Ал жоғары жылдамдығы — 290 км/сағ.

4.0 литрлік V8 гибрид нұсқалардың базасы болып қала береді. Сонымен қоса беріліс қорабына қуатты электрлі қозғалтқыш және әлдеқайда сыйымды (25.9 кВт⋅сағ) батарея орнатады. Бұл көліктің электр күшімен 85 шақырымға дейін жүруіне мүмкіндік береді. Ең арзан «Панамера» 650-680 ат күші мен 900 Нм момент береді, алғашқы жүздікті 3 секундта еңсеретін машина Ferrari LaFerrari-ден сәл баяу.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Бағасы қымбат бензинді-электрлі модификация жылдам бола түсті. Тілшілердің мәліметіне сүйенсек, агрегат 760 ат күшін береді, жоғары жылдамдығы сағатына 320 шақырымға жетеді. Техникасы туралы басқа ешқандай нақты ақпарат жоқ.

Негізгі жабдықтар тізімінде пневмоаспа болады, қосымша ақша төлегендерге шанақтың қисаюына кедергі болатын жүйе ұсынады. Салонды жақында жаңарған Cayenne үлгісінде өзгерткен, осының арқасында опциялар тізімінде алдыңғы жолаушыға арналған дисплей пайда болады.

Porsche Panamera-ның тұсаукесері жыл аяғында өтеді. 2024 жылдың басында саудаға түседі. Кейінірек бренд лифтбектің толық электрлі нұсқасын шығарады. Бірақ оны мүлдем басқа платформада жасап жатыр.