ҚР Индустрия және инфрақұрылымдық даму министрлігінің хабарлауынша, көлік құрастыратын отандық кәсіпорындар тәртіпсіздік кезінде зардап шеккен полиция автопаркін қалпына келтіруге көмектеседі.
Тәртіпсіздік болған бірнеше күнде елде 350-ге жуық полицей көлігі қиратылды, Алматының өзінде 56 машина керектен шықты.
Полицияға жаңа техника тегін берілмейді, бірақ автоөндірушілер жеңілдік жасайды. Құқық қорғау қызметкерлері көлікті 10 % жеңілдікпен және кейін төлеу шартымен сатып алады.
Елде құрастырылған көліктердің қызметтік автопаркке жеңілдікпен сатылғаны емес, полицейлердің енді қандай машина мінетіні қызық болып тұр. Алматылық тәртіп сақшыларына 2 литрлік турбомотор (236 ат күші мен 350 Нм) орнатылған жүздеген Chevrolet Equinox RS кроссовері беріледі. Ол әдетте 16 миллион теңгеден сатылады. Бұл модель біздің елде бір комплектацияда ғана қолжетімді, бірақ өте жақсы жабдықталған (былғары салон, панорамалы шатыры бар).
Дәрігерлердің автопаркі де аздап жаңарады. Astana Group Алматыға дефибриллятор, электрокардиограф және жасанды тыныс алу аппаратымен жабдықталған он шақты жаңа Hyundai H350 реанимобилін береді.
Комментариев: 0