Жаңа Patrol TLC 300-ден артық болады

Аустралияның Drive басылымы хабарлағандай, Nissan-ның стратегия және өнімді жоспарлау бөлімінің басшысы Иван Эспиноза Japan Mobility Show 2023 көрмесінде жаңа Patrol қазіргі Toyota Land Cruiser-ден «әлдеқайда артық» болатынын айтты.

Топ-менеджер буын алмасқан соң Nissan Patrol атмосфералы V8-бен қоштасып, шағын, бірақ қуатты (420 ат күшіне ие) твинтурбиналы V6 мотормен жүретінін растады. Эспиноза «Патрол» электромобильге айналатынын жоққа шығарды. Ал ePower гибрид жүйесін енгізу мүмкіндігі жоқ емес.

Patrol ізбасарының құрылымы туралы айтқанда менеджер жаңа мотор жүріс бөлігінің жақсарған құрылымымен бірігетінін мәлімдеді, соның арқасында машинаның жол жүру ерекшелегі жақсарады. Әзірлеушілер раманы сақтап қалды. Эспиноза қазіргі Patrol-дың «сәл ескі әрі үздік ақпараттық ойын-сауық жүйесі жоқ» екенін мойындады, бірақ жаңа өнімде «үлкен жақсарту» болады деп уәде етті.

Жетінші буындағы Nissan Patrol қашан жарық көретіні белгісіз. Автомобиль 2025 жылғы модельдік топ өкілі ретінде шығады, демек тұсаукесер жақында өтпейді.