Жаңа Mercedes-Benz Geely моторымен жүреді

Mercedes-Benz CLA-дің үшінші буыны Geely-дің 2 литрлік турбомотор көмегімен қозғалады. CarNewsChina хабарлағандай, бұл агрегат жұмсақ гибрид күштік құрылымның бір бөлігі болады. Жаңа «мерседестерге» Қытайдағы Momenta стартапы жасаған жүргізуші ассистенттерінің кешені орнатылуы мүмкін.

Mercedes-Benz CLA өзара күрделі әрекеттесу схемасы нәтижесінде қытайлық мотор алады. Қозғалтқышты Geely мен Renault бірлескен кәсіпорны құрған Horse Powertrain компаниясы мен Geely инженерлері жасады. Mercedes-Benz пен Geely-дің де бірлескен кәсіпорны бар, ол — Smart, ал Geely басшысы Ли Шуфу неміс брендінің шамамен 10 % акциясына ие.

Мотор 250 ат күшін және 360 Нм момент береді. Ол беріліс қорабына орнатылатын 48 вольттық стартер-генератормен жабдықталады. Mercedes-Benz осылайша қозғалтқышты ЕО-ның экологиялық талаптарына сай етуге тырысып жатыр. Сол үшін Mercedes-Benz зауытында Қытайдан барған агрегатты басқа каталитикалық бейтараптауышпен (нейтрализатор) жабдықтайды.

Mercedes-Benz CLA 2025 жылы жарық көреді. Алдын ала мәлімет бойынша ол жұмсақ гибрид және электрокар ретінде нарыққа шығады. Электрокардың 238 ат күшіне ие моторы бар базалық нұсқасы 750 шақырым еңсере алады.