Жаңа Mercedes-Benz CLA бес күштік құрылыммен жабдықталады

Компания үшінші буын CLA-дің мотор гаммасына қатысты жаңа техникалық сипаттамасын жариялады. Ол екі электрлі және үш гибрид күштік құрылым, сондай-ақ бірнеше жетек түрін алады. Көлік 2025 жылы саудаға шығады.

Mercedes-Benz CLA іштен жанатын қозғалтқыш та, электромотор да, тиімділігі жоғары EQXX концептісіндегі шешімдер де үйлесетін жаңа платформаға негізделген. Ең арзан батареялы модификацияның артқы осінде 272 ат күшіне ие электрлі қозғалтқыш, 2 сатылы редуктор тұрады. Толық жетекті нұсқалар 109 ат күшін беретін қосымша қозғалтқышпен жабдықталады, ал электроника энергия үнемдеу үшін бірқалыпты қозғалғанда оны өшіріп отырады.

1 / 7

• 
• 
• 
• 
• 
• 
• 

1 / 7

Бренд сыйымдылығыы 58 немесе 85 кВт·сағ екі түрлі батарея ұсынады. Жүріс қоры ұзаққа жететін модель қайта қуаттаусыз 750 шақырым еңсере алады. Ол 800 вольттық архитектураға негізделген және 320 кВт-қа дейін ток қабылдай алады.

Гибридке келетін болсақ, ол Миллер циклі бойынша жұмыс істейтін 1.5 литрлік төрт цилиндрлі қозғалтқышқа негізделеді. Агрегат жаңа сегіз сатылы робот қорапқа (8F-eDCT) кіріккен 27 ат күші бар электрлі мотормен жұптасады. Бұл құрылымның қуаты 136, 163 және 190 ат күшін құрайды. Мұндай CLA моно немесе толық жетекті бола алады, бірақ электрокарға қарағанда базалық нұсқалар алдыңғы жетекті болады. Mercedes-Benz өкілдері гибрид автомобиль қала ішінде тек электрожетекпен жүре алатынын айтты. Жүріс қоры әзірге белгісіз.

1 / 8

• 
• 
• 
• 
• 
• 
• 
• 

1 / 8

CLA-дің үшінші буыны алғаш рет Mercedes-Benz топтамасындағы ең арзан модель атанады. Седаннан кейін сол платформада универсал (CLA Shooting Brake ізбасары болуы мүмкін) және екі түрлі кроссовер шығады.

Біраз уақыт бұрын модельдің Geely әзірлеген 2 литрлік (250 а.к.) мотормен жүретін жұмсақ гибрид түрленімі шығатыны белгілі болды. Компания мұндай көлікті тек Қытайда емес, Еуроодақ аумағында да сатуды жоспарлап отыр.