Li Auto гибрид кроссовер топтамасын жаңартуды жалғастырып жатыр. Бұған дейін атауында Livis қосымшасы бар L8 және L9 жаңарды, енді кезек кіші L6-ға келді. Компания автомобильдің жаңа буынын әзірге ресми түрде таныстырмады, бірақ Қытай Өнеркәсіп министрлігі сертификат рәсімдегенде модельдің суреттері мен кейбір техникалық сипаттамасын жария етті.
Суреттерден L6-ның сырт келбеті аға модельдерге ұқсайтынын көруге болады. Ол жаңа бампер, басқаша жарық техникасы, жүксалғыш қақпағындағы мемлекеттік нөмірге арналған орын және дәстүрлі есік тұтқасын алды. Көлік 10 мм (4935 мм) ұзарды. Қалған өлшемдері өзгермеді.
Техникалық жағынан машина заманауи жүргізуші ассистенттерімен жабдықталады және жаңарған тізбекті гибрид құрылыммен жүреді. Капот астында 154 ат күшін беретін 1.5 литрлік турбомотор тұр. Ол генератор қызметін атқарады, ал дөңгелектерді электрлі қозғалтқыш айналдырады. Электромоторлардың қуаты сертификат құжатында жазылмаған, бірақ батарея сыйымдылығы 36.8-ден 51 кВт·сағатқа дейін артқан. Кроссовер қуаттаусыз 234 шақырым еңсереді, ал қазіргі нұсқаның көрсеткіші — 182 км.
Жаңа өнімнің тұсаукесері қашан өтетіні белгісіз. Li Auto топ-менеджерлерінің бірі жаңа L6 Қытайдағы автосалондарға шілдеде шығады деді. Кейін модель экспортқа аттанып, Қазақстандағы ресми дилерлік орталықтарға жетуі ықтимал. Марка Қазақстанда L6-ның бірінші буынын екі комплектацияда ұсынады. Бағасы — 24-27 млн теңге.
Еліміздегі автосалондар ұсынатын L6-ның толық суреттерін Kolesa.kz-тегі «Жаңа көліктер» бөлімінен көре аласыз. Онда модельдің сипаттамасы, комплектациясы мен бағасы жазылған. Елдің түкпір-түкпіріндегі көліктер бір бөлімде жиналған.
Комментариев: 0