Жаңа Lexus GX Қазақстанда қанша тұрады

Былтыр маусымның басында үшінші буын Lexus GX-тің әлемдік премьерасы өтті, ол LX және Toyota Land Cruiser-мен (LC 250 және LC 300) бір платформаны бөліседі. Бір жылдан сәл астам уақыт өтіп жаңа GX 550 Қазақстанға келді. Брендтің ресми өкілдері бағасын жариялап, жабдықтар тізімін көрсетті, ал бұрынғы GX 460-ты ресми сайттан алып тастады.

Новый Lexus GX сменил прежний в Казахстане. За сколько его продают?

Елімізде GX 550-ді көлемі 3445 текше сантиметр V6 турбомоторымен және 10 сатылы автоматпен жабдықталған бес нұсқада сатып алуға болады. Дәл осындай қозғалтқыш Lexus LX 600 бен Toyota LC 300-ге орнатылған, алайда GX 550-дің қуаты 415 ат күшінен 354 ат күшіне төмендеді, бірақ айналу моменті (650 Нм) өзгермеді.

1 / 9

Lexus GX 550 Luxury+

1 / 9

Executive топтамасындағы ең арзан GX 550-дің құны 50 млн теңге. Мұндай көлік он эйрбэг, перделер және жүргізуші тізесін қорғайтын қауіпсіздік жастығы, сонымен қатар көмекші электрониканың кең жиынтығы, кілтсіз ашу жүйесі, айнала шолу камералары, сымсыз қуаттағыш, 14 дюймдік экраны бар медиажүйе, 12.3 дюймдік цифрлы аспаптар панелі, барлық орындықты, рөл, айна және алдыңғы әйнекті жылытқыш, алдыңғы орындықтарды желдеткіш, климат-бақылау жүйесі, орындықтарды электрлі реттегіш, люк, атмосфералы жарықпен жабдықталған.

1 / 10

Lexus GX 550 Luxury+

1 / 10

Overtrail деп аталатын жол талғамайтын комплектацияда 18 дюймдік дөңгелектер мен 265/70 өлшемді Toyo шиналары бар. Бұл нұсқа бампер, табалдырық, биік рейлинг және жүк сүйрейтін ілмегімен ерекшеленеді. Интерьердегі өзгеше әрлеуі мен массаж функциясы бар алдыңғы орындықтары бірден көзге түседі. Автомобильде алдыңғы әйнектегі проекция, салқындатқыш бокс, 21 динамикті аудиожүйе, навигация, сондай-ақ электрлі жетегі бар жүксалғыш есігін қашықтан ашу мүмкіндігі бар. Машина техникалық жағынан да өзгеше: GX 550 Overtrail бейімді аспа, артқы дифференциалды бұғаттағыш, E-KDSS және жолсыз жерде қажет DAC, MTM және MTS жинағымен жабдықталған. Мұндай GX 55 млн теңге тұрады. Қосымша ақы төлеп, екі түсті шанақ бояуы бар Overtrail Bi Tone нұсқасын (55.3 млн теңге) алуға болады.

1 / 11

Lexus GX 550 Overtrail

1 / 11

Бренд Luxury және Luxury+ комплектацияларын 58.2 млн және 58.9 млн теңгеге сатады. Luxury 22 дюймдік дөңгелек дискілері, күрделі алдыңғы жарық техникасы, электрлі жетегі бар табалдырық, алдыңғы орындықтарды реттегішпен және басқа әрлеу материалымен ерекшеленеді. Бұл жиынтықта жолсызға арналған электроника, артқы дифференциалды бұғаттау және E-KDSS болмайды, бірақ бейімді аспа қалады. Luxury+ нұсқасында қарапайым люк орнына панорамалы шатыр болады.

Комментариев: 0