Lexus жаңа GX-ке 6 цилиндрлі турбомотор орнатады

Lexus жаңа GX-ке 6 цилиндрлі турбомотор орнатады

Автомобильдің үшінші буыны GX 550 индексімен шығады.

8 маусымнан 9 маусымға қараған түні Lexus жаңа GX-ті таныстырды, ол LX және Toyota Land Cruiser сияқты GA-F платформасында жасалады. Үшінші буындағы машинаның индексі GX 460-тан GX 550-ге ауысты, сондай-ақ тарихта алғаш рет 33 дюймдік бұдырлы дөңгелекпен жабдықталды.

GX 550 алдыңғы буынынан сәл үлкен. Ұзындығы — 4950 мм, ені — 1980 мм, биіктігі — 1865 мм, дөңгелек базасы — 2850 мм. Ал GX 460-тың өлшемі 4935×1885×1885 мм (дөңгелек базасы — 2789 мм) болатын.

Жол талғамайтын көліктің сырт пішіні GX 460-дан айтарлықтай өзгеше. Жаңа өнімнің радиатор торы мен жарықдиодты шамындағы «бумеранг» пішін ғана алдыңғы буынды еске салады.

Салонда Lexus RX тилінде жасалған 14 дюймдік медиакешен экраны мен 12.3 дюймдік цифрлы аспаптар панелі назар аудартады. Проекциялы дисплейді опция ретінде алуға болады. Бұдан бөлек жүріс режимінің шайбасы, Multi-Terrain Select батырмасы, Crawl Control круиз-бақылау батырмасы және бірнеше USB-C порт бар.

Қазірше машинаның комплектациясы жайлы нақты ақпарат жоқ, бірақ Lexus GX 550 6 және 7 орынды нұсқада шығатыны белгілі, жүргізуші мен алдыңғы жолаушы орындығын желдету және жылыту мүмкіндігі базалық нұсқада болады, ал жылытуға болатын артқы орындықты опция ретінде ұсынады. Медиажүйе Apple CarPlay және Android Auto-мен жұмыс істейді, бірнеше қауіпсіздік жастығы және Lexus Safety System + электронды көмекшілер кешені бар.

Новый Lexus GX получил турбомотор V6 и 33-дюймовые колёса

Lexus GX-тің мотор гаммасында екі агрегат бар. Автомобильді алдымен V6 турбомотормен ұсынады, ол 349 ат күші мен 650 Нм береді. Агрегат 10 сатылы автомат және толық жетек жүйесімен жұмыс істейді. Кейін қатарға 2.4 литрлік турбомотор негізгі болатын гибрид күштік құрылым қосылады. Оның қуатына қатысты ақпарат жоқ, бірақ жаңа Toyota Tacoma-да мұндай агрегат 331 ат күшіне (630 Нм) ие.

Шассиі Lexus-тың фирмалық философиясына сай бапталған автомобиль жолда жайлы жүреді. Оған E-KDSS аспасы, электрлі рөл күшейткіш және жаңа тежеуіш жүйесі көмектеседі.

Модельдің жол талғамайтын арнайы нұсқасы шығады. Мұндай автомобиль Overtrail деп аталады, мамандар оған 33 дюймді бұдырыл шинамен қапталған 18 дюймдік диск орнатады.

Үшінші буындағы Lexus GX 2024 жылдың басында сатылымға шығады.

Комментариев: 0

Чтобы оставить комментарий, вам необходимо зарегистрироваться или авторизоваться.