Желіде Toyota-ның жаңа модельдері туралы мәлімет пайда болды. Алдағы 12 айда Prius-тың жаңа буыны, Alphard-тың төртіншісі және J180 индексті Land Cruiser Prado жарық көреді. Соңғысын компания 2023 жылы жазда көрсетеді екен.
Модельге жұрт назарын аудару үшін концерн 2009 жылдан бері шығып жатқан J150-дің арнайы нұсқасын әзірлеп жатыр. Оны 2 тамызда таныстырады.
Айта кетерлігі, болашақ LC Prado-ға қатысты ресми ақпарат мүлде жоқ. Түрлі дереккөзден алынған мәліметтерді сараласақ, жол талғамайтын көліктің бесінші буыны TNGA-F платформасында жасалатын сияқты. Машина бұрынғы көлемін сақтайды, дегенмен дөңгелек базасы 50 мм (2840 мм) ұлғаяды. Сонымен қатар мотор гаммасы бізге Toyota Camry-ден таныс A25A-FKS (2.5 л, 205 а. к., 250 Нм) қозғалтқышымен толығады.
Комментариев: 0