Тамызда компания бесінші буындағы Tucson-ның алғашқы ресми суреттерін жариялады. Көліктің сериялық нұсқасы дилерлік орталықтарға әлі бармайтындықтан, бренд сынақты жалғастырып жатыр. Сондықтан камуфляжбен қапталмаған прототиптің сырт келбетіне баға беруге болады.
Мұндай Tucson-ды ShortsCar арнасының авторлары Оңтүстік Кореяда суретке түсіріп алыпты. Дөңгелек өлшемі мен дизайны оның ресми суреттегіден қарапайым нұсқа екенін аңғартады. Көк түсті шанағы Art of Steel стиліндегі қырлы сызықтарды жасырып тұр.
Іші, сырты өзгерген Tucson-ның өлшемі де ұлғайған. Ұзындығы — 4700 мм (+60 мм), ені — 1905 мм (+40 мм), биіктігі — 1685 мм (+20 мм). Дөңгелек базасы 30 мм (2785 мм) ұзарды. Компания екінші қатардағы жолаушылардың төбесіндегі кеңістік 29 мм ұлғайды дейді.
Басқа техникалық сипаттамасы әзірге белгісіз. Биыл III тоқсанда өтетін ресми тұсаукесерде белгілі болуы мүмкін.
Комментариев: 0