Hyundai Palisade жақында рестайлингтен өткен, бірақ компания модельдің жаңа буынын сынақтан өткізіп жатыр. CarBuzz прототиптің шпиондар түсірген фотосуретін жариялады. Кроссовер камуфляжбен қапталған, бірақ біршама өзгеріс бар екені байқалады.
Жаңа Palisade алдыңғы жағы тікбұрышты және үлкен радиатор торы бар қырлы сырт пішінімен ерекшеленеді. Кроссовердің сырт бейнесі қазіргі Santa Fe дизайнына ұқсайды. H тәрізді жүріс шамы бар көп деңгейлі оптика болуы да мүмкін.
Фототыңшылар салондағы жаңа цифрлы кластер дисплейін суретке түсіріп алған. Hyundai кроссоверге бір блокта жасалған екі экран орнатады. Ал рөлі қазіргіден үлкен болады. Физикалық батырмалар жиынағы да өзгеріссіз қалуы мүмкін.
2.2 литрлік дизельді қозғалтқыш жаңа буынның мотор гаммасында болмайды. Кейбір нарықта Palisade 3.8 литрлік V6-мен жүретін, енді бұл мотор да қатардан шығатын сияқты. Екі агрегаттың орнын 2.5 литрлік төрттікке негізделген гибрид күштік құрылым басады. Жаңа агрегат 280 ат күшін береді деген болжам бар.
Екінші буындағы Palisade өз елінде 2025 жылы саудаға шығады. Hyundai жаңа гибрид құрылымды Genesis премиум брендінің модельдеріне де орнатуы мүмкін. Бұған дейін компания бұл марканы толық электромобиль түрінде шығаруды жоспарлаған, бірақ кейін даму стратегиясын қайта қараған көрінеді.
Комментариев: 0