Жаңа Haval H9 Қазақстанда қанша тұрады

Қазақстандағы Haval брендінің өкілдері жаңа өнімнің бағасын жариялады. Бағасы жақында белгілі болған H5 моделінің қасына H9 қосылды. Қытай нарығына арналған бұл модельдің алғашқы суреттері биыл қаңтарда жарияланып, қазанда Қазақстан нарығына жетті.

1 / 12

Автомобиль 218 ат күшін және 380 Нм момент беретін 2 литрлік турбомотормен және 8 сатылы автомат қорабымен жүреді. H9 толық жетекті. Шамамен 5 метрлік жол талғамайтын көліктің дөңгелек базасы 2850 мм, клиренсі 224 мм, төмен берілісі және алдыңғы және артқы дифференциалды бұғаттау мүмкіндігі бар.

Компания H9-ды тек бір комплектацияда ұсынады, бағасы — 22.7 млн теңге. Автомобиль тұрақты толық жетек жүйесі бар Tank 300-дің City Plus нұсқасынан (20.3 млн теңге) шамамен екі миллион теңгеге қымбат.

1 / 9

Haval H9-дың жабдықтар тізіміне алдыңғы және бүйірлік эйрбэг, қауіпсіздік пердесі, тұраққа қою ассистенттері, автоматты тежеу, бейімді круиз-бақылау, жолақта ұстау және жолақты бақылау, жарық және жаңбыр сезгегі, айнала шолу камера және т.б. кіреді. Жеті орынды көлік үш аймақты климат-бақылау, алдыңғы және артқы орындықтарды, әйнектерді, айналарды, әйнек жуғыш бүріккішін және рөлді жылыту, алдыңғы орындықтарды желдету, массаж функциясы, 14.6 дюймдік экраны бар медиажүйе және 10 динамик, 10.25 дюймдік цифрлы аспаптар панелі, панорамалы шатырмен жабдықталған.

Прайс-листте бір ғана ақылы опция бар. 500 000 теңгеге көлікті күңгірт сұр түске бояуға болады.

Комментариев: 0