Жаңа Ford Capri электрлі кроссовер болып шықты

Ford-тың Еуропадағы бөлімшесі Puma-ның артынан тағы бір модельді қайтарды. Бұрын Capri да қолжетімді спорткар болған, бірақ компания атауын электрлі кроссоверге берді. Volkswagen платформасындағы Ford Explorer Еуропада екі түрлі күштік кұрылыммен 51 950 еуродан (шамамен 27 млн теңге) бастап саудаланады.

1 / 10

• 
• 
• 
• 
• 
• 
• 
• 
• 
• 

1 / 10

Бренд көліктің шассиіне өзгеріс енгізбегенін хабарлады. Explorer мен Capri-дің дөңгелек базасы — 2770 мм. Жаңа өнімнің ерекеше шанақ дизайнына ресейлік дизайнер Андрей Конопатов үлесін қосқан. Кроссовер көлбеу шатыр сызығын, басқа жарық техникасын, 21 дюймдік дөңгелектер алды және түс палитрасына сары және көк түстер қосылды.

Купе тәрізді пішініне қарамастан Capri 622-1510 литр жүксалғышымен мақтана алады. Ford «каприді» пайдалы, әрі спорттық модель ретінде шығаруды жоспарлап отыр, оны динамикалық сыртқы келбетінен ғана көруге болады. Машинаның салон архитектурасы бір платформадағы әріптесінен алынған.

1 / 8

• 
• 
• 
• 
• 
• 
• 
• 

1 / 8

Кроссовердің ең арзан нұсқасы артқы жетекті. Ол 286 ат күшін және 545 Нм момент беретін электромотормен және 77 киловатттық батареямен жабдықталады. Алғашқы жүздікті 6.4 секундта еңсереді, ал жүріс қоры 627 шақырымға жетеді. Қымбатырақ нұсқаның алдыңғы осіне қосымша қозғалтқыш орнатылады, күштік құрылымның қуаты 340 ат күшіне артады, 5.3 секундта жүзге дейін жылдамдық алады. Мұндай Capri-ге инженерлер сәл үлкенірек 79 кВт⋅сағ аккумулятор орнатады, бірақ жүріс қоры 592 шақырымға дейін төмендейді. Екі нұсқаның да максимал жылдамдығы — 180 км/сағ.

Компания қайта жаңғырған Capri-ді Кёльндегі Explorer шығатын жаңа зауытта құрастырады. 2025 жылы топтамаға 52 киловатттық батареясы бар арзан модификациясы қосылатыны белгілі.