Жаңа электрлі GLC Қытайда қанша тұрады

Былтыр қыркүйекте жарық көрген батареялы Mercedes-Benz GLC жақында Қытайда ресми саудаланады. Бренд әзірге алдын ала тапсырыс қабылдап жатыр. GLC 349 мың юань (25.1 млн теңге) тұрады. Германияда GLC 400-дің құны 71.2 мың еуродан (40.4 млн теңге) басталады.

1 / 9

• 
• 
• 
• 
• 
• 
• 
• 
• 

1 / 9

Mercedes-Benz Қытай үшін 350 L 4Matic индексті модификацияны әзірледі. Атауындағы L әрпі ұзарған шанақты білдіреді. Бамперден бамперге дейінгі қашықтық — 4933 мм, ал Еуропадағы модельдің ұзындығы — 4845 мм. Дөңгелек базасы 3027 мм-ге жетті.

GLC 400 4Matic 489 ат күшіне ие агрегат алса, 350 L 4Matic 421 ат күшін беретін мотормен жүреді. Екеуі де 85.5 кВт батареямен жабдықталады. CLTC циклі бойынша жүріс қоры 703 шақырымға жетеді.

Басқа өзгерістер қатарына Doubao AI нейрожелісіне негізделген виртуал ассистент және Momenta әзірлеген жүргізуші ассистенттерінің кешені кіреді.