Жаңа Cybertruck пен ескі Ford соқтығысты

Cybertruck иелері форумының пайдаланушысы жақында болған жол апаты туралы айтып берді. Шоссе бұрылысында қарсы бағытта келе жатқан Ford Expedition кенеттен қосарлы бүтін сызықты кесіп өткен.

Қарсы келе жатқан көліктің жылдамдығын ескерсек, «кибертрак» тізгіндеген жүргізушінің қандай да бір шешім қабылдауға екі секундтай уақыты болды. Бұл жағдайда бетпе-бет соғылмау үшін бір жаққа бұрып қана қашуға болады. Екі жарым тонналық рамалы жол талғамайтын көліктің сүйкеп өткен соққысы Cybertruck-ты айтарлықтай зақымдады. Ортаңғы тірек артындағы кабина майысып, ереже бұзған машина есікті, артқы сол жақ дөңгелек пен барлық бастырықты жұлып әкетті. Пост авторы машина бұрылып, бірақ аударылмағанын хабарлады.

Cybertruck жүргізушісі де, артқы орындықта отырған әйелі мен немересі де зардап шекпеді. Жол-көлік оқиғасына қатысушының айтуынша Expedition-ның алдыңғы сол жақ бөлігі алдыңғы әйнекке дейін толық майысып қалған, ал жарақат алған жүргізушіні жедел жәрдем алып кеткен.

Жаңа пикап зардап шексе де, иесі оқиға осылай аяқталғанына риза болды және Tesla конструкторлары мен зауытқа осындай мықты көлік жасағаны үшін алғысын білдірді. Енді ол тағы бір Cybertruck сатып алуды жоспарлап отыр.