Жаңа Chery Tiggo 8-дің алғашқы ресми фотосы шықты

Chery концерні Tiggo 8 топтамасындағы жаңа кроссовердің ресми суретін жариялады. 8L индексті кроссовер «сегіздіктің» кезекті түрленімі емес, басқа шанақ пен платформаға ие жаңа буын болады деген ақпарат бар. Қытай басылымдары модель биыл үшінші тоқсанда саудаға шығатынын хабарлады.

Chery Tiggo 8L фирмалық дизайн стилін сақтап қалды, бірақ алғашқы суреттен кроссовердің шанағы толық жаңарғаны байқалады. Ол сүйір сұлбасы және өзіне тән жарық техникасымен ерекшеленеді. 8L қазіргі «сегіздікке» қарағанда Tiggo 9-ға көбірек ұқсайды. Интерьер суреті әлі жарияланған жоқ, бірақ екі және үш қатарлы орны бар нұсқасы шығатыны белгілі.

1 / 5

• 
• 
• 
• 
• 

1 / 5

Жаңа өнімнің өлшемі — 4795×1930×1725 мм, дөңгелек базасы — 2770 мм. Демек кроссовер Tiggo 8 Pro Max-тан 70 мм үлкен, флагмандық Tiggo 9-дан 25 мм кіші. Машина Exeed RX сияқты T2X платформасына негізделеді.

Саудаға алдымен Chery Tiggo 8L-дің 254 ат күшіне ие (390 Нм) 2 литрлік мотормен жүретін түрленімі шығады. Агрегат Chery-дің сегіз диапазонды автомат немесе жеті сатылы робот қорабымен жұмыс істейді деген ақпарат бар, машина алдыңғы немесе толық жетекті болады. Болашақта модельдің мотор гаммасы 1.6 литрлік қозғалтқыш және гибрид күштік құрылыммен толығады.

Жаңа кроссовер экспортқа шыға ма, жоқ па, белгісіз. Бірақ Chery шетелдегі топтамаларын Tiggo 8L-мен толықтыруы әбден мүмкін.