Жаңа BMW X2 электромотормен жүреді

BMW X2 кроссоверінің екінші буынын таныстырды. Машина бұрынғыдай X1-мен бір платформаны бөліседі, бірақ алдыңғы буынға қарағанда үлкенірек және ақылды болды. Сондай-ақ алғаш рет BMW X2-нің толықтай электрлі нұсқасы шығады. Жаңа өнім 2024 жылы наурызда Еуропа мен АҚШ-та саудаға түседі, бірақ әр аймақта мотор гаммасы әртүрлі болады.

1 / 9

Новый BMW X2: теперь и с электромоторами

BMW X2 M35i xDrive

1 / 9

Жаңа BMW X2 купеге көбірек ұқсайды. Сырт пішіні жақсарған дөңгелек аркасы және агрессивті бампермен ерекшеленеді. X1-ден айырмашылығы ретінде жарық техникасымен біріккен радиатор торының «танауы» мен 21 дюймдік дөңгелек дискісін айтуға болады.

Дөңгелек базасы X1-мен бірдей 2692 мм болғанымен, BMW X2 одан да, алғашқы буыннан да біршама үлкен. Бұрынғы X2-мен салыстырғанда жаңа өнім 194 мм ұзын (4554 мм), 21 мм жалпақ және 64 мм биік. Жүксалғыш көлемі — 560–1470 литр, ал электрлі нұсқада ол 525–1400 литрге жетеді.

1 / 5

Марка X2-ге X1-дің мультимедиа жүйесін орнатқан. Кросс-купеге диагоналі 10.25 және 10.7 дюйм болатын екі дисплей мен жаңа iDrive 9 операциялық жүйесін орнатқан. Медиажүйе интерфейсі жаңарды. Жол талғамайтын көліктің кей нұсқасына бас тіреуіші бар жаңа кресло қояды.

BMW X2-нің базалық нұсқасы бензинді және дизельді мотормен жабдықталады. Еуропада ол 48 вольтты стартёр-генератормер бірге 170 ат күшін (280 Нм) беретін 1.5 литрлік турбоүштік және 150 ат күшіне ие (360 Нм) 2 литрлік дизельді мотормен жүреді. Агрегат 7 сатылы роботпен жұмыс істейді, толық жетек жоқ.

300 ат күшіне (400 Нм) ие 2 литрлік 4 цилиндрлі моторы бар M35i түрленімі ғана толық жетекті болады. Мұндай BMW X2 алғашқы жүздікті 5.4 секундта еңсереді, ал ең жоғары жылдамдығы — 250 км/сағ. Қуатты нұсқасы сәл агрессивті дизайн және өзгеше интерьерімен ерекшеленеді.

1 / 16

BMW iX2 xDrive30

1 / 16

BMW X2-нің толық электрлі iX2 нұсқасы да саудаға шығады. Ол 313 ат күші мен 494 Нм беретін екі электромотормен жүреді. iX2 қуатты болғанымен, динамикасы төмендеу: жүзге дейінгі жылдамдықты 5.6 секундта алады, ең жоғары жылдамдығы — 180 км/сағ. Сыйымдылығы 64.8 киловатт батареяның арқасында электрокардың жүріс қоры 450 км-ге жетеді.

BMW X2 АҚШ-та 2 литрлік қозғалтқышпен жүреді. Марка толық жетекті 28i нұсқасын 241 ат күшіне ие (400 Нм) мотормен, ал M35i түрленімін 317 ат күшін беретін агрегатпен жабдықтайды. Демек кросс-купенің ең қуатты нұсқасын Солтүстік Америка тұрғындары тізгіндейді.

2024 жылы жазда екінші буындағы X2 топтамасы тағы бір дизельді және электрлі нұсқамен толығады. Ол артқы осьтегі 204 ат күшіне ие мотормен қозғалатын артқы жетекті iX1-дің көшірмесі болуы мүмкін.

Комментариев: 0