Жаңа BMW M5 бұрынғыдан баяу болды

BMW M5 суперседанының жаңа буынын таныстырды. Электромобиль нарығына алғаш рет аяқ басқан модель XM кроссоверінің гибрид күштік құрылымымен жүреді. Қуаты 100 ат күшіне артқанымен, динамикасы алдыңғы буын эмкадан едәуір төмен болады. Жаңа өнім қарашада саудаға шығады, АҚШ-та бағасы 119 500 доллардан (55.6 млн теңге) басталады.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Жаңа эмка BMW XM сияқты 4.4 литрлік V8 және электромотор жұбымен жүреді. Дәстүрлі қозғалтқыш 585 ат күші мен 750 Нм береді, ал электромотор 197 ат күшіне ие. Агрегат 8 сатылы автомат қорап және алдыңғы осьті ажырату мүмкіндігі бар толық жетек жүйесімен жұмыс істейді.

Жетінші буындағы BMW M5 3.5 секундта жүзге дейін жылдамдық алады. Алтыншы буынның 600 ат күшіне ие базалық нұсқасы бұдан 0.1 секунд жылдам болатын, ал M5 CS бұл көрсеткішті 3 секундта еңсеретін. Седан динамикасының төмендеуіне электрлі күштік құрылымға байланысты салмағының ауырлауы әсер ектен болуы мүмкін. Сыйымдылығы 18.6 кВт·сағ батареяның арқасында машина 69 км-ге дейін дәстүрлі моторды қоспай жүре алады, жылдамдығы 140 км/сағ-қа дейін жетеді. BMW M5-тің ең жоғары жылдамдығы сағатына 250 км-мен шектелген, бірақ оны 305 км/сағ-қа дейін көтеруге болады.

Седанның стандарт жабдықтар тізіміне арнайы бапталған адаптивті амортизатор, өзгерген рөл механизмі мен 1.5 градусқа бұрыла алатын артқы дөңгелек кіреді. Сондай-ақ V8 және электромотордың әртүрлі комбинациясына сай күштік құрылымның бірнеше жұмыс режимі болады.

1 / 6

• 
• 
• 
• 
• 
• 

1 / 6

Марка BMW M5-ке арнап жаңа бампер, арка кеңейткіш және т.б. бар аэродинамикалық бастырық жасады, сондай-ақ машина элементтерінің көбі шанақ түсіне сай боялған. Салонда жаңа спорттық кресло мен төменгі жағы тегіс рөл болады.

Жетінші буындағы BMW M5-тің тұсаукесері шілдеде Британия жылдамдық фестивалі аясында өтеді. Спортседан негізінен АҚШ пен Еуропа нарығына арналған, бірақ BMW оны Корея, Жапония және Қытайға да жеткізеді.