Көлік министрлігі автомобильдің техникалық жағдайы жолдағы қауіпсіздікке үлкен әсер ететінін мәлімдеді. Ақауы бар көліктің жолға шығуына жалған техбайқау картасы мүмкіндік беріп отыр.
Осының алдын алу үшін мамандар биыл жыл басынан бері 350 заңсыз техникалық тексеріс операторының қызметін тоқтатып, 131 әкімшілік материал рәсімдеді, айыппұл салды. Жақында Әкімшілік кодекске өзгеріс еніп, машинаны көрмей техникалық тексерістен өткізген техбайқау операторларына салынатын айыппұл 10 АЕК-тен 150 АЕК-ке (517 500 тг) өседі. Жалған құжат пайдаланған көлік иесі де жазасыз қалмайды (5 АЕК, 17 700 тг). Жалған техбайқау картасының күші жойылады.
Министрлік техбайқау картасы жалған машинаны қалай анықтайтынын айтқан жоқ. Бірақ “Техбайқау” бірыңғай ақпараттық жүйесінің операторы «Ұлттық ақпараттық технологиялар» акционерлік қоғамына 150 АЕК (517 500 тг) айыппұл салады. Ереже бұзған әрбір факті үшін осы мөлшерде айыппұл төлетуі мүмкін.
Комментариев: 0