Өткен демалыста Алматыдағы Абай даңғылы мен Өтеген батыр көшесінің қиылысында Zeekr 001 ұсталды. Машина жалған нөмірмен жүргені белгілі болды. Полиция департаменті хабарлағандай, электрокар жүргізушісі жылдамдық асыру, автобус жолағымен жүру және жол таңбасын елемеу сияқты ережелерді 189 рет бұзған. Бұл көлікке 6 млн 696 мың теңге айыппұл жазылыпты.
Полиция автомобильді айыптұраққа қойып, жүргізушіні бұрынғы қарызын төлеуге міндеттеді. Сондай-ақ ол жалған нөмір пайдаланғаны үшін 20 АЕК (73 840 теңге) айыппұл төлейді немесе жүргізуші куәлігінен бір жылға айырылады (Әкімшілік кодекстің 590-бабы 4-бөлігі).
Комментариев: 0