Zeekr 009-дың жеті орынды арзан нұсқасын ұсынады

Zeekr нарыққа вэннің қолжетімді модификациясын шығаруға дайындалып жатыр. Қытай Өнеркәсіп министрлігінің сертификаттау дерегіне сүйенсек, арзан көлік кеңдігімен және қарапайым күштік құрылымымен ерекшеленеді.

Суреттерден компания вэннің сыртқы дизайнына ақша үнемдемегенін көруге болады. Бюджеттік 009 үлкен радиатор торын, артқы жағында 402 шамы бар жарықдиодты жолақты, тіпті толық жетекті нұсқадағы дөңгелектерді сақтап қалды.

Қазір ең арзан Zeekr 009 екінші қатардағы бөлек «капитандық» кресломен сатылса, жаңа нұсқада тұтас диван болады. Әзірге толық мәлімет жоқ, бірақ автомобильдің қосымша жабдықтар тізімі қарапайым болатын сияқты.

Компания толық жетекті алып тастау арқылы бағаны одан әрі төмендетеді. Жаңа өнім артқы осьтегі 340 немесе 422 ат күшін беретін бір қозғалтқышпен сертификат алған. Қытай Өнеркәсіп министрлігінің деректерінен моножетекті вэнмен бірге екі моторлы күштік құрылымның да қуаты артады деп болжауға болады. Ол 544-тен 612 ат күшіне өседі.

Моножетекті нұсқаның жүріс қоры туралы әлі дерек жоқ. Электромобиль қайта қуаттаусыз 822 шақырымды еңсере алады және Қытайда кемінде 500 мың юань (30.4 млн теңге) тұрады. Біраз уақыт бұрын Zeekr 009-дың төрт орынды және 788 ат күші бар сәнді нұсқасы шыққан еді.