Zeekr 007 универсалы Еуропа жолдарына шығады

Zeekr алғашқы универсалын нарыққа шығаруға дайындалып жатыр деп хабарлады Қытайдағы БАҚ. Бұл туралы ресми мәлімет жоқ, бірақ бес есікті көлік 007 седанының платформасына негізделеді деген ақпарат бар. Машина Еуропа нарығына арналады.

Geely концернінің құрамына кіретін Zeekr әлі табыс тапқан жоқ. Кей дерек бойынша қазірге дейін брендтің жалпы шығыны үш млрд долларға жуықтаған. Zeekr дағдарыстан шығудың екі жолын қарастып жатыр: арзан модельдер арқылы топтаманы кеңейту және шетел нарығын иегеру. Мұның біріншісі шағын Mix вэні мен 007 моделі арқылы, ал екіншісі Америка биржасына еніп, ЕО елдеріне аяқ басу арқылы жүзеге асады.

Дереккөз бес есікті 007 Еуропа тұрғындарына арналған деп болжап отыр, өйткені онда универсалға сұраныс азайған жоқ. Мысалы, Volkswagen концерні Passat седанынан бас тартқанымен, оның туринг нұсқасын сақтап қалды. Қытай тұрғындары көбіне кроссовер мінуге әуес, демек 007 универсалы ішкі нарықта саудаға түспейтін шығар.

Zeekr 007-нің сыртқы дизайнын жасауға бұрын Audi мен Bentley-де жұмыс істеген Geely-дің бас дизайнері Штефан Зилафф қатысты. Ол марка басшыларына брендті Еуропада танымал етудің жолын көрсеткен болуы мүмкін. Универсалдың күштік құрылымы 421–646 ат күшіне ие мотормен жүретін 007-ге ұқсас болады. Қытайда ресми сауда басталған кезде 007-нің бағасы алдын ала тапсырыс кезіндегі бағадан 20 мың юань төмендеді. Қазір седан 209 900 юань (12.8 млн теңге) тұрады.