Zeekr Қытайда танымал 001 лифтбэгін жаңартты. Электромобиль екі түрлі күштік құрылымын сақтап қалды, бірақ екеуінің де қуаты артты. Сондай-ақ Zeekr 001 жаңа аспа және үздік электрондық көмекшілер кешенімен жабдықталады.
Артқы жетекті Zeekr 001 қуаты 422-ден 503 ат күшіне артқан қозғалтқышпен жүреді, ал қос моторлы қымбат лифтбэктегі агрегаттікі 789-дан 925 ат күшіне жетті. Компания модельдің ең мықты түрленімі алғашқы жүздікті 2.83 секундта еңсеретінін хабарлады, екі нұсқаның да ең жоғары жылдамдығы сағатына 280 шақырымнан аспайды.
Автомобиль сыйымдылығы 95 немесе 103 кВт⋅сағ болатын екі батареяның бірімен жүреді. Бір моторлы 001-дің жүріс қоры — 710 немесе 810 км, толық жетекті машина 640 немесе 762 км жүре алады.
Жаңарған Zeekr 001 900 вольтты архитектураға ауысты, соның арқасында қуаттау уақыты қысқарды. Атап айтқанда, энергия қорын небәрі 7 минутта 10-нан 80 %-ға дейін толтыруға болады.
Аспадағы жаңарған пневмоэлементтер клиренсін 85 мм диапазонда реттеуге мүмкіндік береді. Клиренсі ең биік болғанда 206 мм-ге жетеді.
Электрокар заманауи Nvidia Thor-U чипіне негізделген 31 сезгегі бар электрондық көмекшілер кешенімен жабдықталған.
Жаңарған 001-дің алғашқы экземпляры Қытайдағы дилерлерге 4 қазанда жетеді, ал саудаға 11 қазанда шығады. Zeekr жақында 001 FR флагманын жаңартуы мүмкін, ол 2000 ат күшін беретін электромотормен жүреді деген ақпарат бар.
Комментариев: 0