Zeekr 001-дің қуаты 2000 ат күшіне жетеді

Компания 001 лифтбэгінің жаңа модификациясын дайындап жатыр. Ол Қытай автоөнеркәсібі тарихындағы ең қуатты сериялық көлік атағына үміткер. CarNewsChina мәліметінше бұл туралы жергілікті автоблогерлер хабарлаған және олар инсайдерлік деректерге сүйеніп отыр. Қозғалтқыштардың қуаты бірден 700 ат күшіне артатындықтан, шассиі де жақсарады.

Инсайдерлер Zeekr 001-дің FR деп аталатын экстремал нұсқасының қуаты 2000 ат күшіне немесе одан да жоғары көрсеткішке жетеді дейді. Қазір бұл электрокар жалпы қуаты 1265 ат күшіне тең төрт мотормен жабдықталған. Автомобиль алғашқы жүздікті 2 секундта еңсереді, ең жоғары жылдамдығы — 280 км/сағ. 001 FR жүріс электроникасының ерекше режимдерімен ерекшеленеді.

Жаңа қозғалтқыштармен қатар 001 FR жеңіл шанақ, қайта бапталған шасси және қуатты тежеу жүйесін алады. Бағасы да айтарлықтай өседі деген болжам бар. Қазір Zeekr 001 FR Қытайда 769 000 юань (55 млн теңге) тұрады.

Компанияны мұндай экстремал электрокар жасауға бәсекелестерінің жетістігі итермеледі. Мысалы, Xiaomi-дің 1548 ат күшіне ие SU7 Ultra электроседаны бар, оның прототипі Нюрбургринг трассасындағы ең жылдам Қытай көлігі атанды.