Zeekr 001 бензинді турбомотормен жүреді

Танымал Zeekr 001-дің бензинді турбомоторы бар гибрид түрленімі шығады. CarNewsChina басылымы бұған жаңа өнімнің сынақ прототипінің фотосы дәлел болатынын жазды. Гибрид Zeekr топтамасында 2025 жылдың III тоқсанында пайда болады.

Қытай баспасөзі жариялаған фотосурет камуфляжбен қапталған әрі сапасы нашар болғанына қарамастан Zeekr 001-ді оңай тануға болады. Прототиптің капотында машинаның гибрид екенін білдіретін арнайы жапсырма көзге түседі. Яғни лифтбэктің жаңа нұсқасының күштік құрылымында дәстүрлі мотор болады.

Компания бұған дейін отын шығынын азайтуға мүмкіндік беретін гибрид жасап жатқанын хабарлаған. Бензинді қозғалтқыш төмен жылдамдықта тек генератор қызметін атқарады.

Zeekr 001 мұндай күштік құрылыммен жүретін марканың алғашқы моделі болмайды. Компания 2025 жылдың екінші жартысында қазірше EX1E деп аталатын флагмандық кроссоверін шығарады. Ол өлшемі, дизайны және нарықтағы орны бойынша Rolls-Royce Cullinan-мен бәсекелес болады. Қытайлық БАҚ бензин-электрлі 001 2026 жылы жарық көретінін хабарлады.

Zeekr Қытай тұрғындарының сұранысына орай гибрид технологияға ауысып жатыр. Олар электрокардан гөрі түрлі типтегі гибридті ұнатады, өйткені соңғысының жүріс қоры жоғары болады. Егер Zeekr топтамасына бензин-электрлі модель қосса, ішкі нарықта Lynk&Co брендімен бәсеке күшейеді. Бұл марка Zeekr сияқты Geely концернінің құрамына кіреді әрі электрокар мен гибрид шығарады.